Сè за боите на автомобилите: кои се најпопуларните и кои најдобро ги кријат гребаниците
Црните автомобили изгледаат најлуксузно, но бараат најмногу одржување
Најпопуларните бои во автомобилската индустрија
Трендовите во автомобилската индустрија често се менуваат, а исклучок од тоа не се ни боите. Според последниот извештај на Axalta, белата е најпопуларна боја во светот со застапеност од 34%. По неа следат црната (21%) и сивата (19%), а дури потоа следуваат сребрените и сините со учество од 8%.
Ако ја погледнеме само Европа, трендовите се малку поинакви. Европа е единствениот континент каде сивата боја е најпопуларна, со учество од 27%. На второ место е црната боја (22%), а само на трето е белата боја (21%), која го држи првото место во рангирањето за популарноста на сите други континенти.
И додека, сосема очекувано, дека црната боја е првиот избор за луксузните автомобили, донекаде е изненадувачки што белата е најпопуларна боја во сегментот SUV.
Инфографик за глобална популарност на бои на Axalta 2022 година
Општо прифатена е идејата дека темните, а особено црните автомобили изгледаат поелегантно, но сопствениците плаќаат висока цена за тоа поради потребата постојано да го мијат и полираат своите возила. Да не зборуваме дека на ваква кола секоја, па и најмала штета, веднаш паѓа во очи.
И тоа не се само таканаречени „приказни за мали деца“ покажува и неодамнешниот годишен извештај на Axalta, навистина излегува дека оштетувањата и гребаниците на автомобилите се најмалку видливи на светлите нијанси. Белата боја и светлите нијанси на сиво на сонце подобро ја кријат нечистотијата, но и помалку гребнатини. Темните нијанси, особено црните, не поднесуваат ни најмала количина прашина.
Боја на годината
Axalta избира и боја на годината. Во текот на 2022 година, тоа била нијанса на Royal Magenta, која го нагласува луксузот со висока доза на елеганција. За 2023 година изборот падна на нијансата Techno Blue која има за цел да го нагласи ритамот на денешниот начин на живот, но и преминот од реалниот во виртуелниот свет.
„Овогодинешната боја е живописна и зрачи со позитивност“, вели Хади Авада, виш потпретседател за глобална мобилност во Axalta.