Италијанците без милост: „На пијаните и дрогирани возачи доживотно ќе им биде одземена возачката дозвола“
„Ако некој седне зад воланот полн со кокаин или мртов пијан, тој е потенцијален убиец“
Италијанскиот министер за транспорт Матео Салвини најави усвојување на нов закон со кој ќе се стави крај на пијаните и дрогирани возачи. Кога го анализираше извештајот за безбедност на патиштата во 2022 година, Салвини изјави:
„Ако некој свесно вози дрогиран или пијан и предизвика несреќа, смрт и повреда, суспензијата на лиценцата од една или две години не е доволна. Значи, ако некој богат со кокаин или многу пијан седне зад волан, тој е потенцијален убиец и мислам дека треба да му се одземе возачката дозвола најмалку десет години.
Во најтешките случаи, може и треба да се размислува за одземање на правото на возење доживотно“ – заклучи Салвини.
Според медиумите, во првата половина на 2022 година нагло се зголемил бројот на сообраќајни несреќи во Италија. Од јануари до крајот на јуни се регистрирани 81.437 сообраќајни незгоди што претставува раст од 24,7 отсто во однос на истиот период лани.
Во сообраќајни несреќи загинале 1.450 лица, што е исто така раст од 15 отсто во однос на првата половина од 2021 година.
Според планот за кој моментално расправа Министерството за транспорт, повисоки сообраќајни казни треба да плаќаат оние со повисоки примања.