Aston Martin DBX707 – нов крал помеѓу супер моќните теренци / ФОТО+ВИДЕО
Светот на теренците со високи перформанси доби нов конкурент – DBX707, а ако се прашувате од каде доаѓа овој број во името, само погледнете под хаубата
Таму ќе го најдете познатиот 4.0-литарски V8 способен за 707 КС и 900 Nm вртежен момент. За да го постигне ова, Aston Martin вградил пар турбополначи заедно со калибрација на моторот за максимално да го искористи дополнителното засилување. За да влезе повеќе воздух потребни се подобри цевки за издувните гасови, така што DBX707 добил сосема нов активен издувен систем со четири излези што им дава на патниците пријатна бука од V8 моторот, кога тие тоа го сакаат.
Сепак, моќта не значи ништо ако не можете да ја искористите, поради што е направена значајна работа на погонската единица на овој супер SUV. За почеток, има нов менувач со мокра спојка и девет степени на пренос со автоматски и рачни режими кои овозможуваат побрзо „префрлање“. Ажурираната верзија на задниот електронски диференцијал е појака и може да се пофали со пократок завршен погон 3:27 за подобро забрзување. Погонот на сите тркала е сè уште стандарден, а моќноста се испраќа напред или назад, во зависност од тоа каде е најпотребно.
Шасијата добила дополнително засилување, а воздушната суспензија ревидирани амортизери и пружини за помали превртувања на каросеријата. Сето тоа функционира заедно со ажурирањата на системот за електронска активна контрола на превртување (eARC). Ажурираниот електронски систем за управување додава тежина на воланот, а кога треба силно да закочите, 16,5-инчните карбон-керамички диск сопирачки напред и 15,4 инчи назади прават добра работа. Тие седат зад стандардните тркала од 22 инчи, а можете да се одлучите и за опционалните 23-инчни.
Со режимот „Race Start“, 100 km/h се постигнуваат за 3,3 секунди, на пат до максималните 313 km/h. Тоа е сосема доволно за надминување на своите луксузни конкуренти, но DBX707 сè уште го задржува својот луксузен карактер. Спортските седишта со темен тапацир се стандардни, а удобните седишта со традиционални полесни детали се опционални.
Однадвор, теренецот добил поагресивна предна маска со голема решетка, нови доводи за воздух, редизајнирани дневни светла и среден преден разделник. Надградената задна маска дава простор за ниско ниво на четирите издувни завршетоци, а има и поголем дифузер. Има многу темен хром и сатен по целото тело за монохроматски ефект. И како последно, како потсетување дека се работи за луксузна машина, тука се вратите со меко затворање.
Сосема очекувано, моќта и престижот на ова ниво не се евтини. Цените за DBX707 започнуваат од 189.000 фунти (околу 226.500 евра). Производството започнува во првиот квартал годинава, а првичните испораки до клиентите следат во вториот квартал.
