ИСТРАЖУВАЊЕ: Дали знаете колку возачи забораваат каде им е паркиран автомобилот?
Интересно, возачите на возраст од 18 до 25 години најчесто забораваат каде се паркирале!
Дури 52 проценти од испитаниците во големата анкета спроведена во Велика Британија (на 2.000 возачи) признале дека не можат веднаш да го најдат својот автомобил барем еднаш годишно.
Една четвртина од возачите признале дека не можат да го најдат своето возило најмалку двапати годишно, а 14 проценти од возачите не можеле да си го лоцираат автомобилот три или повеќе пати годишно.
Истражувањето е спроведено по нарачка на Škoda.
Интересно е што возачите на возраст од 18 до 25 години најчесто забораваат каде се паркирале.
Очекувано, Британците најчесто имаат проблем да си го најдата автомобилот во трговските центри (58 проценти). Мажите го бараат своето возило во просек шест и пол минути, а жените пет и пол минути.
Прв кат, втор кат, црвена зона, сина зона, розова зона, виолетова… Ако не се сеќавате точно на локацијата, тоа навистина може да биде тортура.