Кои се најпребарувани електрични автомобили на Google?
Tesla Model 3 со огромна предност пред останатите
Популарноста на електричните автомобили расте со секој изминат ден, а во моментов нивниот удел на пазарот во Европа (вклучувајќи ги и хибридите) е над 20%. Се очекува да продолжи да расте со секоја измината година.
Сите глобални производители веќе нудат електрични автомобили, но потрошувачот пред да купи некој од нив, претпочита да ги провери моделите од интерес за него на Интернет. Користениот пребарувач зависи од пазарот, но најчесто користената алатка за оваа намена е Google.
Најпребаруван на Google е Tesla Model 3, вели анализата на компанија Nationwide Vehicle Contracts, според која само за еден месец во светот се пријавени 1.852.356 пребарувања за овој електричен автомобил. Ова и не е големо изненадување, бидејќи Model 3 е исто така најуспешниот електричен автомобил во светот со над 500.000 продажби.
Во рангирањето следат Nissan Leaf – 565.689 пребарувања, Tesla Model X – 553.999, Tesla Model S – 524.479, BMW i3 – 347.333, Renault Zoe – 343.815, Audi e-tron – 278.379, Renault Twizy – 166.459, Jaguar I-Pace – 154 064 и Hyundai Kona Electric – 136 329.
Ако се погледне популарноста на електричните автомобили по региони, излегува дека повеќето фанови на Tesla Model 3 живеат во САД, Австралија, Кина и Индија.
Постои идентично рангирање и за хибридите, каде најпопуларен модел е BMW i8. Според бројот на прегледи на Google овој модел е пред Tesla Model 3 во Африка, Русија, Јапонија и Бугарија. Следуваат Hyundai Ioniq, Mitsubishi Outlander PHEV, BMW 330e, 530e, Audi A3 e-tron, Kia Niro PHEV, Volvo XC90 Recharge T8, Porsche Cayenne PHEV и Kia Optima.