Франција ќе забрани рекламирање на автомобили што ја загадуваат животната средина
Во проблеми ќе бидат сите… од автомобилски компании до медиумски куќи, рекламни агенции…
Според медиумските наводи, во Министерството за економија на Франција е издадено соопштение во кое се презентирани нацрт-законите за финансирање за 2021 година, но и бројни интересни мерки, од кои некои на дело веројатно ќе може да се видат веќе од половината на декември.
На тој датум, всушност, ќе биде презентиран предлог-закон кој ќе содржи приближно една третина од предлозите на Граѓанската климатска конвенција, меѓу кои се и забраните за рекламирање производи кои ја загадуваат животната средина.
Франција подготвува и построга структура за даночни казни за автомобилите кои испуштаат голема количина на штетни гасови. Во највисоката класа ќе се плаќа дури 50.000 евра. Она што е најбитно е дека оваа одлука директно ќе спречи рекламирање на crossover/SUV моделите, кои емитуваат поголеми количини на СО2.
За спортските перформантни возила и да не споменуваме.