Кај овие модели, амортизацијата во првите 3 години е навистина сериозна

Амортизацијата често се занемарува кога луѓето одлучуваат каков автомобил да купат. Но, додека другите тековни трошоци – како што се горивото, сервисирањето, регистрацијата, данокот… се навистина важни, тие ретко како вкупна сума се доближуваат до износот кој новиот автомобил го губи во вредност во првите неколку години од сопственоста.

Треба да знаете дека ако автомобилот изгуби значителен дел од својата вредност во првите години, тоа ќе продолжи и во наредните години. Експертите од WhatCar посочуваат 10 модели на европскиот пазар кои најмногу губат на вредност во првите 3 години. Сите бројки се базирани на помината километража од 58.000 километри.

Peugeot 508 SW

Model: 1.5 BlueHDi Allure Premium EAT8
Каталошка цена: 35.485 фунти
Вредност по 3 години или 58.000 поминати километри: 13.725 фунти (-21.760 фунти)
Задржана вредност: 38.7%

Караван верзијата на Peugeot 508 има пристоен багажен простор и е достапна во различни варијанти. Поголемиот дел од моторите во понудата се економични, но овој 1.5-литарски дизел модел губи многу повеќе во својата цена во однос на другите верзии.

Alfa Romeo Stelvio

Model: 2.0 Turbo Sprint auto
Каталошка цена: 48.775 фунти
Вредност по 3 години или 58.000 поминати километри: 18.850 фунти (-29.925 фунти)
Задржана вредност: 38.65%

Stelvio е спортски теренец кој е добар за возење, но и покрај моќните перформанси што ги нуди 2.0-литарскиот бензинец во оваа верзија, загубата во вредност е поголема од онаа на кој било друг SUV на пазарот.

Fiat 500C

Model: 1.0 Mild Hybrid Sport
Каталошка цена: 20.325 фунти
Вредност по 3 години или 58.000 поминати километри: 7,850 фунти (-12.475 фунти)
Задржана вредност: 38.62%

На многу луѓе им се допаѓа ретро-стилот на 500 и се продава одлично. Сепак, ова е меч со две острици за оваа постара (и не особено ефикасна) „блага“ хибридна верзија. Кај оваа верзија губењето на цената е посериозно во споредба со другите.

Peugeot 508

Model: 1.5 BlueHDi Active Premium EAT8
Каталошка цена: 31.585 фунти
Вредност по 3 години или 58.000 поминати километри: 12.025 фунти (-19.560 фунти)
Задржана вредност: 38.1%

Веќе видовме дека комби верзијата 508 SW ја губи вредноста побрзо од повеќето други автомобили во продажба. Ситуацијата со обичниот Peugeot 508 е уште полоша, особено кога е опремен со истиот 1.5-литарски дизел мотор. Во најмала рака, овој мотор треба да биде и економичен.

Audi S6 Avant

Model: TDI 344 quattro Vorsprung Tip Auto
Каталошка цена: 83.265 фунти
Вредност по 3 години или 58.000 поминати километри: 31.175 фунти (-52.090 фунти)
Задржана вредност: 37.4%

Тоа е најбрзата верзија на Audi A6 Avant, но не го нуди извонредниот изглед на RS6. Исто така, не е особено возбудлива за управување. Проблем е и тоа што има дизел мотор со оглед на тоа што автомобилите со вакво погонско гориво бележат голем пад во поглед на нивната бараност.

Lexus LS

Model: 500h 3.5 Takumi CVT auto
Каталошка цена: 111.980 фунти
Вредност по 3 години или 58.000 поминати километри: 41.700 фунти (-70.280 фунти)
Задржана вредност: 37.2%

Моделот предводник на Lexus нуди хибридна моќ, висококвалитетна внатрешност и многу стандардна опрема. Сепак, разочарува со нерамномерното возење и незгодниот инфозабавен систем, како и лошите вредности за препродажба.

Audi S7

Model: TDI 344 quattro Vorsprung Tip Auto
Каталошка цена: 90.125 фунти
Вредност по 3 години или 58.000 поминати километри: 32.850 фунти (-57.275 фунти)
Задржана вредност: 36.4%

Дизел моторот вграден во Audi S7 произведува прекрасен звук и неверојатни перформанси. Иако овој автомобил е одличен за возење, тој губи повеќе од 50.000 фунти во вредноста само во првите три години.

Audi A8

Model: L 50 TDI quattro Vorsprung Tiptronic
Каталошка цена: 103.010 фунти
Вредност по 3 години или 58.000 поминати километри: 35.250 фунти (-67.750 фунти)
Задржана вредност: 34.2%

Понекогаш едноставно не го добивате она што го заслужувате во животот. Audi A8 е велат попрефинет од неговиот главен ривал, Mercedes S-Class, неговото возење е неверојатно еластично и неговата внатрешност е изградена според највисоките стандарди. Но, и покрај сите овие силни страни, тој губи повеќе од својата вредност од кој било друг луксузен автомобил кој моментално се продава на пазарот.

Fiat Tipo

Model: 1.0
Каталошка цена: 20.175 фунти
Вредност по 3 години или 58.000 поминати километри: 6.725 фунти (-13.450 фунти)
Задржана вредност: 33.3%

Семејниот хечбек Tipo е простран и безбеден, но севкупно губењето на вредноста по 36 месеци е запрепастувачка. Понудениот 1.0-литарски бензинец со 99 КС обезбедува доволно перформанси за повеќето ситуации, но очигледно не е доволно кога станува збор за цената.

Maserati Quattroporte

Model: V8 Trofeo
Каталошка цена: 134.285 фунти
Вредност по 3 години или 58.000 поминати километри: 43.850 фунти (-91.235 фунти)
Задржана вредност: 32.1%

Quattroporte би требало да биде grand tourer кој е совршен за големи патувања, но всушност не е совршен за возење. Исто така, не е особено сигурен, а инфозабавниот систем е застарен. Сето тоа овозможува лесно да се разбере зошто губи толку брзо на вредност.