Софија со слични мерки за загадувањето како Скопје?!
Се предлага целосна забрана за паркирање во таканаречената Сина зона и воведување налепници за еколошка класа на автомобилите
Центарот на Софија може да биде затворен за автомобили со одредени регистарски броеви, по примерот на градови како што се Милано или Пекинг. Ова се предлог анти-смог мерки од соодветната општинска комисија во Софија.
Еден од главните предлози е во текот на работните денови да постои забрана за влегување во центарот на градот на автомобили со парни или непарни броеви односно менување ден за ден. Сличен пристап пред неколку години беше воведен во Милано. Во Пекинг, мерката немаше доволно ефект, па властите отидоа понатаму, и воведоа мерка за забрана на движење на автомобили со одредени броеви, ден за ден.
Општинските советници предлагаат и воведување на налепници за сите автомобили на национално ниво со кои би се означила еколошката класа на автомобилите.
Друга идеја што предизвикува негативна реакција (од каде ли само ова ние е познато) е тоа што во областите на таканаречената Сина зона се предлага целосна забрана за паркирање освен за оние кои живеат во таа зона.
Идеите ќе бидат разгледани и гласани од Општинскиот совет во Софија до крајот на овој месец.