На само пет дена до официјалното објавување на информации за новиот предводник во гамата на паметни телефони на Samsung, на интернет се појавија сет од прес рендери, заедно со карактеристики за моделот, со кое се откриваат сите детали за Galaxy S9 моделите

Samsung Galaxy S9 ќе располага со Snapdragon 845 чипсет во САД односно Exynos 9810 за останатите пазари. Двата чипсети имаат 8-јадрен CPU, со такт од 2.9GHz за Exynos и 2.6GHz за Snapdragon.
Телефоните ќе имаат 5.9-инчен AMOLED екран (2960 x 1440p) за S9 и 6.2-инчен панел за S9+.

Galaxy S9 доаѓа со 12MP задна камера (променлив отвор на бленда од f/1,5 до f/2,4), додека Galaxy S9+ ќе има систем од две камери (12MP + 12MP) и отвор на бленда f/2,4.
Што се однесува до меморијата, помалиот модел ќе има 4GB, додека пак верзијата Plus ќе располага со 6GB RAM меморија. Двата модели добиваат 64GB простор за складирање. Тука е и поддршката за Bluetooth 5.0 и USB-C. Батериите ќе имаат капацитет од 3.000 и 3.500 mAh.