Оваа година BMW одбележува три децении од првиот лансиран „М“ модел со отворен кров

Во 1988 година, дивизијата BMW M одлучила на своите клиенти да го понуди првиот кабриолет со високи перформанси, така што истата година пристигнува и првиот M3 Cabriolet со 215 КС (158 kW).

Овој автомобил е произведуван се до 1991 година, а од фабричките ленти се симнати само 786 единици, што гарантира ексклузивност за сопствениците на ова возило.

Три децении подоцна, BMW се потсетува на првиот М модел со отворен кров преку специјална ограничена серија на современиот духовен наследник – моделот М4 Cabrio.

Автомобилот со ознака BMW M4 Cabrio Edition 30 Jahre ќе биде достапен во две надворешни бои (металнa Макао синa и темно жолтa), a ќе бидат направени само 300 примероци.

Сите возила ќе имаат дополнителен M Competition пакет на опрема, кој, меѓу другото, вклучува и адаптибилна суспензија, специјален издувен систем и активен диференцијал.

Благодарение на истиот пакет, надградена е погонската единица – 6-цилиндерскиот 3.0-литарски двоен турбо под хаубата испорачува 450 КС (331 kW).

ФОТО ГАЛЕРИЈА

[useyourdrive dir=”1L0xWqdAg6pd5O3xuqfCS1tve1LxNOTXT” maxheight=”480px” mode=”gallery” viewrole=”administrator|editor|author|contributor|subscriber|guest” downloadrole=”all” showsharelink=”1″ showrefreshbutton=”0″ search=”0″ showbreadcrumb=”0″]

BMW M4 Cabrio Edition 30 Jahre е поставен на 20 инчни тркала, а производителот сè уште не објавил на кои пазари ќе биде достапен и по која цена.